Singular Vs Plural -- એકવચન વિ. બહુવચન

આ ચેપ્ટર બહુ મજાનું છે. (એનો મતલબ એમ નથી કે બીજા ચેપ્ટર નાખી દીધા જેવા છે.)
અહી આપણે સૌપ્રથમ અંગ્રેજી નામોની(Nouns) વાત કરવાની છે.

અંગ્રેજીમાં નામો(Nouns) બે પ્રકારના છે,(જો કે બધી ભાષામાં નામો બે પ્રકારના જ હોય છે).
એક ગણી શકાય તેવા(Count) અને બીજા ના-ગણી શકાય તેવા(Non-count).

ગણી શકાય એટલે કેવા...??? જેમ કે... Elephant -હાથી  [હાથીને ગણી શકાય છે...એક હાથી, બે હાથી વગેરે...(જેમકે કોઈ કહે ને કે મેં જંગલ માં ૨૦ હાથી જોયા હતા.)]

ના-ગણી શકાય એટલે કેવા...??? જેમ કે... Milk-દૂધ [હવે, દૂધ ને ગણી ના શકાય... એક દૂધ, બે દૂધ વગેરે...(જેમ કે એમ ના કહી શકાય કે મેં આજે સવારે ૩ દૂધ પીધું હતું. હા, ચોક્કસ એમ કહી શકાય કે મેં આજે ૨ ગ્લાસ દૂધ પીધું હતું.)]


આ ઉપરની વસ્તુ સમજાવવા પાછળનો હેતુ એકદમ સામાન્ય છે, જુઓ... જે ગણી શકાય તે જો એકવચન હોય તો તેને બહુવચનમાં ફેરવી શકાય. પણ જેને તમે ગણી જ નથી શકતા તેને તમે બે કે ત્રણ વચનમાં કેમ ફેરવી શકો???

જેમ કે...પ્રાણી(Animal) (પ્રાણી ને ગણી શકાય એટલે જો તે તમારી સામે એક જ હોય અને બીજું ક્યાંકથી આવે તો તમે કહો કે મેં બે પ્રાણી જોયા. પણ એ પ્રાણીને જોઇને તમને પાણી(Water) આવી જાય તો એ પાણી ને તમે ગણી ના શકો એટલે તેનું બહુવચન પણ શક્ય નથી.)

સમજાયું??(Understood??) સીધી વાત છે જેને ગણી શકાય તેને બહુવચનમાં ફેરવી શકાય પણ જેને ગણી જ નથી શકાતા તેને બહુવચનમાં ફેરવીને પણ તમે કંઈ કાઢી ના લ્યો. (અને છતાય તમને પ્રયોગ(Practical) કરવાની ખંજવાળ આવતી જ હોય તો કરી લેવો... એમાં કંઈ ખોટું નથી... કંઈક શીખવા મળશે.)

હવે આ મગજમારી માંથી થાક્યા હોય તો(જો કે મને ખબર છે કે તમે થાકો કે કંટાળો આવે તેવા સાવ વેવલા નથી....) ચાલો હવે થોડા એકવચનમાંથી બહુવચન કરવાના નિયમો(Rules) જોઈએ.


1. જેવી રીતે ગુજરાતીના કોઈ પણ નામોનું બહુવચન કરતી વખતે માત્ર નામને છેડે ''ઓ'' મૂકી દેવાથી કામ પતી જાય છે બસ તેવી જ રીતે અંગ્રેજીમાં પણ માત્ર "s" મૂકી દેવાથી મોટા ભાગનું કામ પતી જાય છે.

દા.ત. ગુજરાતી નામ : મેદાન - મેદાનો (મેદાન+ઓ)

દા.ત. અંગ્રેજી નામ : Ground - Grounds (Ground+s)


Let's see some more examples...ચાલો થોડા વધુ ઉદાહરણો જોઈએ...(વધુ એટલા માટે, કારણ કે મને ખબર છે કે આપણને એક-બેથી તો પેટ નથી જ ભરાતું.)
Computers | Pills | Chargers | Phones | TVs | DVDs | Rings | Chairs | Windows | Rocks | Bills | Players | Games | CDs | Pillows | Shoes | Pictures | Hands | વગેરે વગેરે...(etc.)


ઉપરના અંગ્રેજી શબ્દોનું હું અહી ગુજરાતી નથી કરતો કારણ કે મને લાગે છે કે તમે એટલા તો હોશિયાર છો જ કે તમે મારી-મચડીને એટલું તો ભેગું કરી જ લેશો.


હવે થોડા નિયમો પછી જાણીશું, પહેલા અહી આપેલું લીસ્ટ ચેક કરી જાવ. તમને મજા આવશે. અહી એવા શબ્દોનું લીસ્ટ છે કે જેનો સમાવેશ નિયમોમાં નથી થતો.
અહી ક્લિક કરો. - અનિયમિત ૧૦૦ શબ્દોની યાદી

These/Those

છેલ્લે આપણે This/That નામનું ચેપ્ટર જોઈ ગયા... આશા રાખું કે તમોને મજા આવી જ હશે. તમારા અમૂલ્ય પ્રતિભાવો (Feedbacks) મને વધુ મજબુત અને મારા કામ પ્રત્યે વધુ સમર્પિત બનાવે છે.

તો ચાલો આપણે આજે નવા ચેપ્ટર પર જઈએ.

અને નવા ચેપ્ટરનું નામ છે... ''These / Those''.
સૌથી પહેલા એક આસાન વાત કહી દવ કે These એ This નું બહુવચન છે, અને Those એ That નું  બહુવચન છે. (બહુવચનમા તો ખબર પડે ને! જો તમારે એક કરતા વધારે બહેનપણી કે બહેનપણાં હોય તો એ બધા બહુવચનમા છે તેમ સમજવું.)


એટલે એમ કે...

This is a girl. (અહી a girl એટલે એક છોકરીની વાત છે. હવે એક છોકરી એટલે એકવચન ખરુંને! એટલે જુઓ વાક્યમાં બધું જ એકવચન છે...this, is વગેરે.)

હવે જો ઉપરના વાક્યમાં ન કરે નારાયણ ને છોકરીઓ વધી જાય તો...

તો.. તો શું... આપણે બેઠા જ છીએ ને બધું જ બહુવચન વર્ઝનમાં ફેરવવા...એક ઘા ને બે કટકા...

This નું These થય જાય

Is નું Are થય જાય

a girl નું girls થય જાય

These are girls.

એ રીતે વાક્યમાં બધું જ બહુવચન સ્વરૂપમાં થઇ જાય... (અરે! આપણે ઘરે જમવાનો પ્રસંગ રાખ્યો હોય અને ૧૦ જણ જમવા આવવાના હોય અને અચાનક નક્કી થાય કે હવે અમે ૨૦ જણ આવવાના છીએ તો કેવી તકલીફ થાય જાય અને સીધું જ જમવાનું ડબલ બનાવવું પડે ને...! બસ આ ડબલ એટલે જ બહુવચન... બે કે બે કરતા વધારે...)

હવે જો આપણે This કે That ની જગ્યાએ તેનું બહુવચન These કે Those નામનું નવું વર્ઝન વાપરતા હોઈએ તો તેની સાથે Is નું પણ બહુવચન વર્ઝન Are પણ આપણે સ્વીકારવું જ પડે.

આવો થોડાક ઉદાહરણ જોઈએ... Let's take some examples...

This is my child. - These are his children. આ તેના બાળકો છે. 

That is my bag. - Those are her bags. પેલી તેની થેલીઓ છે.

(અહી 'his' એટલે તેનું, તેની, તેના, તેનો વગેરે થાય છે, અને માત્ર છોકરા માટે વપરાય છે. છોકરીઓ માટે 'her' નો ઉપયોગ થાય છે.)

ઓકે તો હવે આપણે નવા ચેપ્ટર તરફ જઈએ છીએ...

આમાં કઈ પણ ના સમજાયું હોય તો શરમાયા વગર ૯૩૨૭૮૭૭૫૫૫ પર ફોન કરી દેશો અથવા તો મને પ્રતિભાવમાં લખી મોકલશો આથવા તો ઈ-મેઈલ કરી દેશોજી. ખબર છે ને માગ્યા વગર તો માં'ય પીરસતી નથી.

Let's be regular...

ઘણા લાંબા વિરામ બાદ ચાલો હવે ફરી પાછા આપણે એક રોમાંચક શરૂઆત કરીએ....

શેની શરૂઆત ?? 

એવો પ્રશ્ન તો નથી થતો ને...??

અંગ્રેજી શીખવાની જ હોય ને...

અને કદાચ થાય તો'ય... થાય ઈ કરી લેવું...

(વાસ્તવમાં એવું છે કે ડીસેમ્બરના પહેલા અઠવાડિયામાં મારા લગ્ન હતા અને ત્યાર પછીના અઠવાડિયામાં મારા પ્યારા પ્યારા અને વહાલા વહાલા દાદાજીનું દુ:ખદ અવસાન થયું... એટલે મારો નવેમ્બર મહિનો તૈયારીમાં અને ડીસેમ્બર મહિનો ક્રમશઃ એક સુખદ અને du:ખદ પ્રસંગોમાં વીતી ગયો... )

હવે એક નવા જોશ અને સંપૂર્ણ હોંશ સાથે તમોને નવા પાઠ ભણાવવા ફરી પાછી હું એક ઊંડી તૈયારીમાં લાગી ગયો છું... 

મેં એક નક્કર નિર્ણય કર્યો છે કે મારા શોખ ને હું ક્યારેય છોડીશ નહિ... અને શોખ ક્યારેય છૂટી શકતો પણ નથી... એવું કહેવાય છે કે આ દુનિયામાં ડાહ્યું થવું એના કરતા ગાંડુ થવું વધારે સારું છે. અને હું ખરેખર એક ગાંડો છું... એક ઈડિયટ છું.

છતાં તમારો પ્રવાહ જો તુટ્યો હોય તો ભૈલા માફ કરજો...(એવું કહેવાય છે કે માફી માંગવાવાળા કરતા માફ કરવાવાળા મોટા હોય છે...)

અને નો માફ કરવો હોય તો પહેલા કીધું તેમ થાય ઈ કરી લેવું...(અને મને ઈ'ય ખબર છે કે તમારાથી કઈ થાય તેમ પણ નથી....એટલે તો હું બીતો નથી બાપ...)

તો ચાલો હવે બી રેગ્યુલર ઓકે... ડન.